Astanada 700 tonna qoqys úıindisine sebepker bolǵan kásipkerge aıyppul salyndy

ASTANA. QazAqparat - Nura aýdany ákimdiginiń qyzmetkerleri aýmaqty aralaý kezinde qoqys toly kamazdy baıqady. Mashına qaldyq tógý úshin bos jerge qaraı bet alǵan. Qoqys tógýge ruqsat etilmegen aýmaqta paıdalanylǵan qurylys materıaldaryn shyǵarý faktisi tirkelip, tabıǵat qorǵaý polıtsııasyna berildi, dep habarlaıdy QazAqparat ákimdiktiń resmı saıtyna silteme jasap.

Mashınanyń qaı uıymǵa tıesili ekeni anyqtalyp, jaýapqa tartyldy.

Buzýshy jeke ózi 30 aýyr júkti jaldaý aqysyn tóledi, olar 700 tonna stıhııalyq úıindini joıyp, jınalǵan qoqysty arnaıy polıgonǵa shyǵardy.

Sonymen qatar, kásipkerge ákimshilik aıyppul salyndy.

«Nura aýdanynda zańsyz qoqys tógilgen 8 negizgi oryn anyqtaldy. Júıeli jumystyń arqasynda qalany lastaıtyn josyqsyz kásipkerlerdiń biri tabyldy. Mysaly, bir kún buryn olar osy ýchaskelerdi aralap shyqqan bolatyn. Ol kezde qoqys kólemi mundaı úlken emes edi, josyqsyz kásipkerlerdiń tek túnde keletini anyqtaldy. Osy baǵyttaǵy jumysty aýdan boıynsha jalǵastyramyz», – dedi Nura aýdany ákiminiń orynbasary Rýslan Oralov.

Aıta keteıik, Astanada qaıta óńdeý úshin qurylys jáne basqa da iri qaldyqtardy tógýge bolatyn 2 sanktsııalanǵan polıgon jumys isteıdi.

Basqa ýchaskelerde qoqys tógilse zań boıynsha jaza qarastyrylǵan.