Astanada 700 bıshi horeografııa baıqaýynda sheberlik synasady
ASTANA. QazAqparat - 24 aqpanda Astanada jyl saıynǵy búkilqazaqstandyq «Choreo» qazirgi zamanǵy horeografııa konkýrsy bastalady.
Qatysýshylar men úzdik horeograftar elordada shoý formatyndaǵy jarysta besinshi márte bas qosady. Bıyl konkýrsta 700 bıshi sheberlik synasady, jeńimpaz 500 myń teńge kóleminde aqshalaı júldege ıe bolady.
«Choreo» aıasynda balalar, jasóspirimder arasynda Chempıonat, eresekter arasynda irikteý týryn ótkizý josparlanǵan. Shara baǵdarlamasynda oqytýshylarǵa arnalǵan semınarlar men 6 jas jáne odan asqan balalarǵa sheberlik synyptary ótkizilmek. «Choreo» baıqaýy 26 aqpanǵa deıin jalǵasady", - dep habarlandy qala ákimdiginiń resmı saıtynda.
Qazirgi zamanǵy horeografııa baıqaýy alǵash ret 2013 jyly uıymdastyrylǵan bolatyn, oǵan 200-den astam bıshi qatysty. Jobaǵa qatysýshylar Qazaqstanda ǵana emes, odan tys jerlerde de tanymal. Mysaly, temirtaýlyq Marııa Glavatskıh Girls Community (Máskeý) ekinshi quramyna qatysty, Mádına Beısekeeva TNT telearnasynda «Tantsy» jobasyna ótti, birneshe qatysýshy Unidance komandasynyń oqytýshylary bolyp tabylady, qatysýshylardyń kóbi úzdik sheteldik horeograftardan bilim alýda. Sonymen qatar, «Choreo» baıqaýy bıshilerge sharanyń turaqty áriptesteriniń biri StarDanceCamp (Krasnodar q.) bı lagerinde sheberlik synypqa qatysý múmkindigin beredi.
