Astanada 70 jańa turǵyn úı ortalyqtandyrylǵan jylýǵa qosylady
ASTANA. QazAqparat - Elordada jylý berý maýsymyna daıyndyq sharalary bekitilgen kestege sáıkes júrgizilip jatyr. Bul týraly «QazAqparat» tilshisine elorda ákimdiginiń energetıka basqarmasynan málim etti.
2017-2018 jyldaǵy jylý berý maýsymynda ortalyqtandyrylǵan jylýmen qamtamasyz etý júıesine 68 jańa turǵyn úı keshenin qosý josparlanyp otyr. Jylý kózderiniń qýaty jańadan paıdalanýǵa berilgen nysandardy energııamen qamtýǵa qaýqarly.
«Astanada jylý berý maýsymyna daıyndyq sharalary bekitilgen kestege sáıkes júrgizilip jatyr. Barlyq jumystar jylý maýsymy bastalǵansha tolyqtaı aıaqtalady dep kútilýde», - delingen baspasóz qyzmetiniń habarlamasynda.
Búginde stansalarda normatıvtik 20 táýliktik otyn qory jınaqtaldy. Aǵamdaǵy jylý berý kezeńine kómir jetkizýdiń kestesi bekitildi. Qazirgi ýaqytta ortalyqtandyrylǵan júıege qosylǵan Astanadaǵy áleýmettik nysandardyń daıarlyǵy 90 paıyzdan astam deńgeıde.
«Eger de 5 bes kún boıy ortashatáýliktik temperatýra +10 °S jáne odan tómen deńgeıde bolsa, onda elordadaǵy jylý berý maýsymyna daıyndyq erejesine sáıkes, jergilikti atqarýshy organ jylý berý maýsymyn bastaý týraly sheshim qabyldaıdy», - dep atap ótilgen ákimdik málimetinde.
