Astanada 70-ten astam velosıped urlaǵan baýkespeler ustaldy
ASTANA. QazAqparat - Astanada polıtsııa qyzmetkerleri velosıped urlaýmen aınalysqan jeti adamdy quryqtady. Bul týraly qalalyq ishki ister departamentiniń baspasóz qyzmetinen habarlandy.
«Ustalǵandar velosıpedterdi turǵyn úılerdiń kireberisinen, dúkender mańdarynan urlap otyrǵanyn moıyndaıdy. Osylaısha, olar jaz basynan beri 70-ten astam velocıpedti urlap, keıinnen olardy arzan baǵaǵa satyp otyrǵan», - delingen baspasóz baıanynda. Velosıpedtiń bir bóligi ıelerine qaıtarylǵan.Urlyq boıynsha qylmystyq is qozǵaldy. Tergeý júrýde. Ustalǵandardyń osyndaı ózge qylmystarǵa qatystylyǵy da tekserilýde.
