Astanada 7 jáne 9 mamyrda merekelik otshashý bolady
ASTANA. QazAqparat - Elordada 7 jáne 9 mamyrda Qazaqstan Respýblıkasy Qarýly Kúshteriniń 25 jyldyǵy men Uly Otan soǵysyndaǵy Jeńis kúnine oraı otshashý bolady, dep habarlaıdy Astana ákimdiginiń baspasóz qyzmeti.
Otshashý sonaý Uly Otan soǵysy kezinen bastap qazirgi ýaqytqa deıin jaraqtandyrýda turǵan jáne Uly Jeńistiń nyshany bolyp tabylatyn 76 mıllımetrlik zeńbirekterden artıllerııalyq dúrkin oq atýmen júrgiziledi. Salıýt 2 zamanaýı otshashý qurylǵysymen jasalady. Olardyń árqaısynyń 173 baǵyttaýshysy bar.
Qazaqstan Respýblıkasy Qarýly kúshteriniń 25 jyldyǵyna oraı artıllerııalyq zeńbirekterden 25 dúrkin oq atylady. Elorda turǵyndary men qonaqtary aǵymdaǵy jylǵy 7 jáne 9 mamyrda merekelik ot shashýdy Esil ózeniniń jaǵalaýynda saǵat 22.00-de tamashalaı alady.
