Astanada 7 jáne 9 mamyr merekelerine oraı qandaı is-sharalar ótedi
ASTANA. KAZINFORM - Astanada 7 mamyr – Otan qorǵaýshy kúni men 9 mamyr – Jeńis kúni merekelerine oraı 50-den astam túrli is-shara josparlanyp otyr. Olardyń arasynda túrli kontsertter, ǵylymı konferentsııalar, mektepterde tárbıe saǵattary, qoıylymdar t.b. josparlanyp otyr, dep habarlaıdy elorda ákimdiginiń resmı saıty.
7, 8, 9 mamyr kúnderi adamdar kóp shoǵyrlanatyn oryndarda volonterler tarapynan blıts-saýalnama júrgizilip, qoǵamdyq oryndarda «Jeńis lentasy» taratylady.
7 mamyr kúni saǵat 16:00-de E.Rahmadıev atyndaǵy Memlekettik akademııalyq fılarmonııada Qazaqstan Respýblıkasynyń kúsh qurylymdarynyń shyǵarmashylyq ujymdarynyń, estrada juldyzdarynyń qatysýymen «Otan dep soqqan júrekter» atty kontserttik baǵdarlama josparlanyp otyr. Osy kúni saǵat 16:00-de Otan Qorǵaýshylar kúnine baılanysty Ortalyq Arbatta kontsert uıymdastyrylady jáne Qazaqstan Respýblıkasy Qarýly Kúshteri Áskerı patrıottyq orkestrimen saltanatty marsh ótkizedi.
M. Gorkıı atyndaǵy memlekettik akademııalyq orys drama teatrynda 7 mamyr kúni 18:00-de «Álııa» qoıylymy ótedi.
Sonymen qatar 7 mamyr saǵat 10:00-de «Botanıkalyq saıabaqta» ıogadan sheberlik saǵaty uıymdastyrylady.
Qýyrshaqtar teatrynda 7, 9 mamyr kúnderi saǵat 12:00 jáne 16:00-de «Ákemniń haty» ertegisiniń qoıylymy, al 9 mamyr saǵat 18:00-de Á.Mámbetov atyndaǵy memlekettik drama jáne komedııa teatrynda «Tynyshtyq kúzetshisi» spektakli josparlanyp otyr.
Qyzmet kórsetý jáne týrızm kolledjinde 8 mamyr kúni saǵat 11:00-de Uly Otan soǵysyna arnalǵan dáris, al Tarıhı-mádenı mura eskertkishteri men nysandaryn saqtaýdy qamtamasyz etý ortalyǵynda 10 mamyr kúni saǵat 10:00-de «Elordadaǵy qazaq halqynyń dańqty qyzdaryna arnalǵan eskertkishter» dárisi ótedi.
Paralımpıadalyq jattyǵý ortalyǵynda 9 mamyr kúni saǵat 15:00-de Astana qalasynyń otyryp oınaıtyn voleıboldan ashyq týrnıri, al 11 mamyrda Astana qalasynyń ústel tennısinen ashyq qalalyq týrnıri (ıntellekt), 10-12mamyr kúni saǵat 9:00-da qyzdar arasynda voleıboldan ashyq týrnır, jáne múmkindigi shekteýli jandar (estý, kórý) arasynda doıbydan qalanyń ashyq chempıonaty, «Tolqyn» sport kesheninde baıdarka men kanoe esýden Jeńis kúnine arnalǵan «Kóńildi starttar» birinshiligi, 15 mamyr kúni Botanıkalyq baqta Esil aýdanynyń mektep oqýshylary arasynda jeńil atletıkalyq estafeta ótedi.
Al Tarıhı-mádenı mura eskertkishteri men obektileriniń saqtalýyn qamtamasyz etý ortalyǵynda 8 mamyrdan 13 mamyrǵa deıin saǵat 10:00-18:00 arasynda «Otan úshin ot keshkender» kórmesi uıymdastyrylady.
9 mamyr kúni Baýyrjan Momyshulynyń, Raqymjan Qoshqarbaevtyń, Talǵat Bıgeldınovtiń, Mánshúk Mámetovanyń, Álııa Moldaǵulovanyń, Ivan Panfılovtyń eskertkishterine gúl shoqtary qoıylyp, batyrlardyń erligi eske alynady. Sol sııaqty Uly Otan soǵysynda qaza tapqan jaýyngerlerge arnalǵan monýmentaldy keshenge de gúl shoqtary qoıylady. Sonymen qatar saǵat 18:00-de «Nurly jol» býlvarynda jergilikti turǵyndarǵa arnalyp karaoke uıymdastyrylady.
10 mamyr kúni saǵat 12:00-de Balalar sýret mektebinde Halyq qaharmandary S.Nurmaǵanbetov pen R.Qoshqarbaevtyń erligine arnalǵan «Jeńis joldary» sýret kórmesi ótedi.
Merekege oraı, 10 mamyr kúni saǵat 10:00-da Saryarqa aýdanynyń kolledj stýdentteri arasynda áskerı-patrıottyq oıyndary ótedi.
22-24 mamyr kúnderi Temirjolshylar eldi mekeninde Saǵadat Nurmaǵambetovtiń 100 jyldyǵyna arnalǵan «Aıbyn-2024» áskerı-patrıottyq jıyny ótedi.
Esterińizge sala keteıik, Jeńistiń 79 jyldyǵyna oraı Uly Otan soǵysynyń ardagerleri men múgedekterine, áskerı is-qımyldaryna qatysýshylarǵa, Astanada turatyn tyl eńbekkerlerine birjolǵy tólem aýdarylady.
Sondaı-aq, «Qaıyrymdylyq ister marafony» aktsııasy aıasynda ardagerlerge azyq-túlik sebetteri beriledi, aýlalary qoqystardan tazartylady jáne t.b. jumystar uıymdastyrylady.
