Astanada 7-synyp oqýshysy balkonǵa ilinip turǵan bes jasar balany qutqardy

ASTANA. KAZINFORM — Elordalyq turǵyn úı keshenderiniń birinde № 31 mektep-gımnazııanyń 7D synyp oqýshysy Aqan Ákimjanov qaıǵyly jaǵdaıdyń aldyn aldy. Bul jaıynda qala ákimdiginen habarlandy. 

20 mamyr kúni Aqan aýlada oınap júrgende 4-shi qabatta balkonda ilýli turǵan balany baıqap qalǵan.

Ol ýaqyt ozdyrmaı birden qımyldap, júgirip baryp balkonda ilinip turǵan 5 jasar balany qutqaryp qaldy.

Aqan Ákimjanov kópbalaly otbasynan shyqqan.

Ol óziniń osynaý áreketin kishkentaı balany kórgende oılanbastan jasaǵanyn ári óziniń de ini-qaryndastarynyń bar ekenin aıtady.