Astanada 7-shi qysqy Azııa oıyndary aıasynda shaıbaly hokkeıden alǵashqy kezdesýler ótti
ASTANA. 28 qańtar. QazAqparat /Arman Asqarov/ - Búgin Astanadaǵy «Barys» sport saraıynda 7-shi qysqy Azııa oıyndary aıasynda ótken shaıbaly hokkeıden premer-dıvızıon sanatyndaǵy alǵashqy kezdesýler ótti.
Atap aıtqanda, kúndiz Taıland pen Qyrǵyzstannyń hokkeıshileri kezdesip, oıynnyń nátıjesi boıynsha qyrǵyzstandyqtar qarsylastaryn 14:5 esebimen utty. Osydan birneshe mınýt buryn aıaqtalǵan Malaızııa-Bahreın kezdesýinde Malaızııanyń sportshylary Bahreındi 25:0 esebimen oısyrata jeńdi. Búgingi sońǵy oıynda Mońǵolııa men Kýáıttiń komandalary ózara synǵa túspek.
Aıta keteıik, premer-dıvızıonda oınap jatqan komandalar 7-shi Azııa oıyndarynyń kishi medaldary úshin synǵa túsýde. Qazaqstannyń quramasy bolsa, Azıadanyń joǵary sanatynda úlken medaldar úshin talaspaq.
