Astanada 7-nshi Qysqy Azııa oıyndarynyń «Mádenı Azıada» jobasy aıasynda etno-úlgidegi alyp «Muz qalashyǵy» salynady

Qalashyqtyń qurylysyna jaýapty Azııa oıyndaryn ótkizý jónindegi Astana qalalyq dırektsııasynan málim etkendeı, 10 jeltoqsannan bastap elordaǵa qytaılyq «Hýntenda» kompanııasynyń mamandary kele bastaıdy. Kompanııa oryn tepken - Harbın qalasy álemge muz jáne qardan jasalǵan músinderdiń jyl saıynǵy festıvalimen tanymal. Mamandardyń shyǵarmashylyq qııaldarynan shyqqan muzdy músinderdi jaı ǵana muzdy qalashyq dep aıtýǵa bolmaıdy. Ol ózindik ınfraqurylymy, fılosofııasy men qaıtalanbas úlgisi bar qalalar. Osyǵan uqsas dúnıe «Mádenı Azıada» jobasy sheńberinde Astanadaǵy «Dýman» oıyn-saýyq kesheniniń aldyndaǵy alańda paıda bolady.

«Jobany júzege asyrýdy bastaǵanda qala basshylyǵy, Azıada qonaqtaryna muzdy jáne qar qalashyqtaryn salý «ǵylymynyń» zamanaýı úderisteri men tehnologııalaryn paıdalana otyryp, qazaq halqynyń salt-dástúrin kórsetý mindetin qoıdy», - deıdi Azııa oıyndaryn ótkizý jónindegi Astana qalalyq dırektsııanyń hattama jáne mádenı is-sharalardy ótkizý bóliminiń bastyǵy Erbol Jaılaýov.

Zamanǵa saı qalashyqtyń ıdeologııalyq jáne etnomádenı dızaınyn ázirleýmen qazaqstandyq eki komanda aınalysty. Sońǵy tujyrymdamany Astana qalasynyń Sýretshiler odaǵy jasady. Nátıjesinde elordalyqtar men qala qonaqtary ýaqyttaryn kóńildi ótkize otyryp, ashyq aspan astyndaǵy kóne murajaıdy tamashalaı alatyn bolady. Muzdan jasalatyn 50 músin men elimizdegi sáýlettik dızaıny biregeı ǵımarattardyń negizinde jasalǵan 7 syrǵanaqtyń árqaısysynyń tusynda, olardyń ataýlary men tarıhı mańyzdylyǵy jazylǵan taqtaıshalar bolady.

E.Jaılaýovtyń aıtýynsha, qytaılyq kompanııa muz qalashyǵyna ózderiniń jaryqtandyrý quraldaryn paıdalanady. Sondyqtan, qazaqstandyq sýretshilerdiń ıdeıalaryn júzege asyrý bes ese arzanǵa túsedi.

Jalpy qalashyqtyń dızaıny birneshe tarıhı kezeńnen turmaq. Máselen, qalashyqtyń basty syrǵanaǵy - «Altyn Orda» sahnalyq alańy. Al saqtar men skıftik dáýirdiń músinderi Astanada buǵan deıin paıdalanylmaǵan tehnologııalar boıynsha jasalady. Qalanyń bir bóligi sonymen birge, qazaqtyń dástúrlerine, ertegilerine, taǵy biri Jańa jyl merekesiniń dástúrli keıipkerlerine arnalady. Qalashyqtyń qurylysyna barlyǵy 1409,65 tekshe metr muz kirpishteri paıdalanylmaq.

Qalashyqtyń búkil aýdany muz aıdynynan turady. Sondyqtan qazir konkılerdi jalǵa berý oryndaryn ashý máselesi oılastyrylýda. Jalpy dızaınerlik ıdeıalarǵa úılesý úshin, jalǵa berý beketteri burynǵydaı dúńgirshekterde emes, kıiz úılerdi ornalasatyn bolady.

Jáne eń bastysy, naqty osy qalashyqtyń qaq ortasynda 7-nshi Qysqy Azııa oıyndarynyń basty qazandyǵy alaýlap turatyn bolady. Esterińizge salaıyq, Aq Azıadanyń basty qazandyǵy 30 qańtar kúni «Astana-Arena» stadıonynda oıyndardyń saltanatty ashylýy barysynda jaǵylady. Biraq stadıonda sporttyń eshbir túrinen oıyndar ótpeıtindikten, bas qazandyq bos ǵımaratta alaýlamas úshin, ony kópshiliktiń nazaryna shyǵarý uıǵaryldy. Onymen birge, naq osy alańda elimizge keletin Aq Azıada qonaqtarynyń (45 el) qurmetine, árbir eldiń memlekettik týlary bıikke kóterilip, ánurandary shyrqalmaq.