Astanada 7-nshi Qysqy Azııa oıyndaryna arnalǵan eskertkish monetalardyń tanystyrylymy ótti
ANA. 11 qarasha. QazAqparat /Gúlmıra Álıakparova/ - Búgin QR Týrızm jáne sport mınıstrliginde 2011 jyly Qazaqstanda ótetin 7-nshi Qysqy Azııa oıyndaryna arnap shyǵarylǵan eskertkish monetalardyń tanystyrylymy boldy.
Oıyndardy uıymdastyrý komıtetiniń ótinimi boıynsha Ulttyq bank úsh túrli biregeı shaqalardy jasap shyǵardy: 5000 teńge nomınalmen 225 dana kúmis; 100 teńge nomınalmen 999 synamaly 8 myń altyn jáne 500 teńge nomınalmen 13 myń kúmis monetalar.
Estelik shaqalardy jasap shyǵarýǵa Oıyndardy uıymdastyrý komıteti 148 mln. teńge qarajat bóldi. Búgin Qazaqstannyń Ulttyq banki barlyq monetalardy Uıymdastyrý komıtetine tapsyrdy.
«Bul monetalardyń bir bóligi delegatsııa múshelerine kádesyı retinde beriledi, bir bóligi satylymǵa túsýi múmkin. Túsken aqsha oıyndardy uıymdastyrýǵa memleketten ketken shyǵyndardyń ornyn toltyrýǵa baǵyttalatyn bolady», - dedi 2001 jylǵy 7-nshi qysqy Azııa oıyndaryn uıymdastyrý komıteti atqarýshy dırektsııasynyń vıtse-prezıdenti Abzal Álibekov.
Satylymǵa túsetin monetalardyń baǵasy metaldardyń qundylyǵyna baılanysty bolady. A.Álibekovtyń sózine qaraǵanda, olar óz qunynan eki esege satylýy múmkin.
Aıta keteıik, 5000 teńge nomınaldy kúmis monetanyń ózindik baǵasy - 158 myń teńge, 100 teńge nomınaldy altyn moneta - 10 100 teńge jáne 500 teńge nomınaldy kúmis moneta - 6600 teńge turady.
