Astanada 7 mlrd teńgege saıabaq salynady
ASTANA. QazAqparat - Astanada 7 mlrd teńgege saıabaq salynady. Bul týraly búgin Astana qalalyq máslıhatynyń kezekti sessııasynda elorda ákiminiń orynbasary Qosman Aıtmuhametov aıtty, dep habarlaıdy QazAqparat.
«Astana qalasynda jelilik saıabaqtyń qurylysy bastaldy. Ol eki kezekten turady. Jalpy quny 7 mlrd 200 mln teńgeni quraıdy. Kógaldandyrylatyn alań - 141 myń sharshy metr. 10 myńnan astam aǵash otyrǵyzý josparlanǵan. Onyń ishinde japyraqty, qylqan japyraqty aǵashtar bar. Gúlzar alańy 7 myń shaqyrym bolady»,- dedi Qosman Aıtmuhambetov.
Onyń aıtýynsha, búginde Astanada 4 jelekjol, 10 saıabaq, 95 gúlzar bar. Onyń beseýi 2017 jyly ashylǵan. 2018 jyly 14 gúlzar men jelekjol qurylysy jalǵastyrylady. Olardyń basym bóligi súrilgen eski úılerdiń ornynda bolady.
«Elordada Qabanbaı batyr dańǵylymen, Túrkistan, 24 jáne 26 kóshelermen shektesetin atokólik turaǵy bar botanıkalyq baq qurylysy júrgizilýde. Nysandy aıaqtaý 2018 jyldyń ortasyna josparlanǵan. Botanıkalyq baq aýmaǵy 92 gektardy quraıdy. Joba quny 23 mrld teńge bolsa, sonyń 12 mlrd teńgesi jeke ınvestıtsııa bolyp otyr. Búginde botanıkalyq baqta 2 jylyjaı salynǵan. Onyń birinshe tropıkalyq óimderdiń 40-tan astam túri, ekinshisinde shóleıt ósimderiniń 40 túri ósiriletin bolady. Qazirgi ýaqytta 33 myńnan astam aǵash otyrǵyzylyp, jasandy sý qoımasy salyndy. Uzyndyǵy 11 shaqyrymdy quraıtyn velosıped jáne júgirý jolaǵy jasalyp, jaıaý júrginshi joly tóseldi», - dedi qala ákiminiń orynbasary.
