Astanada 7 myńnan astam adam ózin-ózi jumyspen qamtýshy statýsyn rásimdedi

ASTANA. KAZINFORM — Astanada 2026 jyldyń basynan beri 7 myńnan astam adam óz qyzmetin resmı túrde tirkep, ózin-ózi jumyspen qamtýshy statýsyn aldy, dep habarlaıdy qala ákimdiginiń resmı saıty.

— Ózin-ózi jumyspen qamtýshylarǵa arnalǵan arnaıy salyq rejımi azamattardy kóleńkeli ekonomıkadan shyǵarýdyń tıimdi sharasy bolyp sanalady. Bul rejım jeke kásipker retinde tirkelmeı, kassalyq apparatsyz jáne salyq esebin bermeı zańdy túrde jumys isteýge múmkindik beredi, — delingen habarlamada.

Bul rejımdi myna sanattaǵy azamattar paıdalana alady:

• jaldamaly qyzmetkerlerdi qoldanbaıtyndar;
• ruqsat etilgen qyzmet túrleri tizimine kiretin ispen aınalysatyndar (taksı, jeke turǵyn úıdi jalǵa berý jáne t. b.; Qazaqstan Úkimetiniń 2025 jylǵy 21 qarashadaǵy № 994 qaýlysy boıynsha);
• aı saıynǵy tabysy 300 AEK-ten (1 297 500 teńge) aspaıtyndar;
• tek áleýmettik tólemderdi tóleıtinder: tabysynyń 4%-y, al zeınetkerler men stýdentterden áleýmettik tólem alynbaıdy.

Aıta keteıik, bul rette barlyq esep aıyrysý elektrondyq formatta «e-Salyq Business» mobıldi qosymshasy arqyly júrgiziledi.