Astanada 7 mamyrda buqaralyq velosherý ótedi
Sherý saǵat 9.00 «Saltanat Saraıy» aýmaǵynan bastalyp, Qabanbaı batyr dańǵylynyń boıymen «Astana-Arena» alańyna deıin jalǵasady jáne «Saryarqa» respýblıkalyq velotregi aýmaǵynda máresine jetedi.
Shara barysynda veloprokat pýnktteri uıymdastyrylyp, adamdar «Astana Bike» velosıpedin paıdalana alady, eń jaqyn úsh stantsııa tolyq jasaqtalmaq. Qatysýshylardy tirkeý saǵat 8.00 bastalady.
Sharaǵa belgili qazaqstandyq sportshylar da qatyspaq. Velosportshylar bolsa, astanalyqtardy sharaǵa qatysýǵa shaqyrady:
«Qurmetti dostar, 7 mamyr kúni Uly Otan soǵysyndaǵy Jeńis kúnine oraı ótkiziletin velosherýge qatysýǵa shaqyramyn. Maýsymnyń ashylýyn atap ótip, ardagerlerge taǵzym eteıik. Qatysýshylar 7 mamyrda saǵat 9.00 «Saltanat Saraıynyń» janyna jınalady», - dedi Astana Pro Team velokomandasynyń bas menedjeri Aleksandr Vınokýrov. Aıta keteıik, Astana Pro Team velokomandasy 6 mamyrda «Djıro d'Italııa» maýsymnyń birinshi Gran týryna qatysady.
«Elimizde velosporttyń jyl ótken saıyn keńinen tanymal bola túsetini qýantarlyq jaıt. Osyndaı buqaralyq velosherýler sonyń dáleli. Astanalyqtardy 7 mamyrda ótetin Jeńis kúnine arnalǵan velosherýge qatysýǵa shaqyramyn», - dedi Astana Pro Team kásipqoı sportshysy, Qazaqstan quramasynyń kóshbasshysy Alekseı Lýtsenko, ol Rıo-de-Janeıroda ótetin Olımpıada oıyndaryna daıyndyq ústinde.
Atalǵan shara adamdardy sport pen salaýatty ómir saltyn belsendi ustanýǵa tartýǵa, ekologııalyq taza kólik retinde velosıpedti jáne jol qaýipsizdigin nasıhattaýǵa, Uly Otan soǵysynyń ardagerlerine taǵzym etýge, sondaı-aq velosport maýsymynyń ashylýyna baǵyttalmaq. Sharany uıymdastyrýshylar - Qazaqstan velosport federatsııasy jáne Astana qalasynyń ákimdigi.