Astanada 7-Qysqy Azııa oıyndary aıasyndaǵy shaıbaly hokkeıden alǵashqy kezdesýler ótti
ASTANA. 28 qańtar. QazAqparat /Arman Asqarov/ - Búgin Astanadaǵy «Barys» sport saraıynda 7-Qysqy Azııa oıyndary aıasynda shaıbaly hokkeıden premer-dıvızıon sanatyndaǵy alǵashqy kezdesýler ótti.
Atap aıtqanda, kúndiz Taıland pen Qyrǵyzstannyń hokkeıshiler kezdesip, oıynnyń nátıjesi boıynsha qyrǵyzstandyqtar qarsylastaryn 14:5 esebimen utty. Osydan birneshe mınýt buryn aıaqtalǵan Malaızııa-Bahreın kezdesýinde Malaızııanyń hokkeıshiler Bahreındi 25:0 esebimen oısyrata jeńdi. Búgingi sońǵy oıynda Mońǵolııa men Kýveıttiń komandalary ózara synǵa túspek.
Aıta keteıik, premer-dıvızıonda oınap jatqan komandalar 7-Azııa oıyndarynyń kishi medaldary úshin synǵa túsýde. Qazaqstannyń quramasy bolsa, Azıadanyń joǵary sanatynda úlken medaldar úshin talaspaq.
