Astanada 7 aıda taýar aınalymynyń kólemi 25,4 paıyzǵa ulǵaıdy
ASTANA. 16 tamyz. QazAqparat - 2013 jylǵy qańtar-shilde aılarynda satýdyń barlyq arnalary boıynsha bólshek taýar aınalymynyń jalpy kólemi 2012 jylǵy sáıkes kezeńmen salystyrǵanda 25,4 paıyzǵa ulǵaıdy. Bul týraly astana.kz saıtyna elordalyq statıstıka departamentinen habarlady.
Kıim-keshek, aralas jáne azyq-túlik naryqtaryndaǵy aınalym kórsetkishi, sonymen qatar, jeke kásipkerlikpen aınalysatyn adamdar sany 7 aıda ótken jylmen salystyrǵanda 8,6 paıyzǵa artqan.
Al resmı tirkelgen kásiporyndarda bólshek saýda aınalymynyń kólemi 2013 jyldyń qańtar-shilde aılarynda byltyrǵyǵa qaraǵanda 33,3 paıyzǵa ósken.
Budan basqa, kóterme saýda jelisi arqyly ústimizdegi jyldyń 7 aıynda tutynýshylyq taýarlar men óndiristik-tehnıkalyq maqsattaǵy ónim 0,7 paıyzǵa artyq satylǵan. Qazaqstanda shyǵarylǵan taýarlardyń úlesi 12,6 paıyzdy qurady.
Vedomstvonyń habarlaýynsha, qoǵamdyq tamaqtaný qyzmetteriniń kólemi ótken jylmen salystyrǵanda 23,7, al kólikterge, mototsıklderge tehnıkalyq qyzmet kórsetý jáne jóndeý qyzmetteri 2012 jylmen salystyrǵanda 61,5 paıyz ulǵaıdy.
