Astanada 7 aıda 339 jol-kólik oqıǵasy tirkeldi
ASTANA. 12 tamyz. QazAqparat - Elordada 7 aıda 339 jol-kólik oqıǵasy (JKO) tirkelip, 356 adam jaraqat alsa, 36-sy qaza tapty. Bul týraly astana.kz saıtyna Astana qalalyq ishki ister departamentiniń Jol polıtsııasy basqarmasynan habarlady.
«Ústimizdegi jyldyń qańtar-shilde aılarynda 189 jaıaý júrginshini kólik qaqqan, sonyń ishinde 8 adam kóz jumsa, 188-i túrli dárejedegi jaraqat alǵan» delingen aqparatta.
Jol apattary kóbinese jazda oryn alady. Sebebi jol jabyny júrgizýshi tarapynan qosymsha nazar aýdarýdy qajet etpeıdi jáne joǵary jyldamdyqpen kólik aıdaýǵa múmkindik beredi. Statıstıkalyq málimetterge sáıkes, árbir jetinshi JKO jaıaý júrginshiler ótkelinde oryn alady.
