Astanada «7-20-25» baǵdarlamasymen páter alam deýshilerge úı jetkilikti - Isekeshev
Astanada jyl saıyn 2,3 mln sharshy metr baspana paıdalanýǵa beriledi, sonyń kóbisiniń baǵasy «7-20-25» baǵdarlamasynyń ólshemine sáıkes keledi.
«Sońǵy úsh jylda 7 mln sharshy metr turǵyn úı paıdalanýǵa berildi. Bizde «7-20-25» baǵdarlamasynyń ólshemimen sáıkes keletin jańadan turǵyzylǵan baspanalar jetkilikti. Búginde «Qazaqstannyń turǵyn úı qurylys jınaq bankimen» birlesip birneshe jańa baǵdarlamany talqylaý ústindemiz», -dedi Á. Isekeshev.
Onyń aıtýynsha, Astana halqyn turǵyn úımen qamtamasyz etý aıasynda jańadan shaǵyn aýdandar salynady.
«Biz qazir biraz jobany qolǵa alyp jatyrmyz, onyń kóbisi - jeke ınvestıtsııalar. Aıtar bolsaq, «Barys Arena» muz aıdynynyń oń jáne sol jaq betinen shaǵyn aýdandar turǵyzý josparlanýda. Odan bólek, búginde turǵyn úı satyp alýda baǵa naryǵyna túzetý engizilgen. Qazirgi naryq baǵasy ár sharshy metri - 240-300 myń teńge aralyǵynda. Kópqabatty turǵyn úı salý naryǵynda biz alda kelemiz. Onyń ústine, jyl saıyn Astanaǵa 50 myńnan 100 myńǵa deıingi aralyqta adamdar kóship keledi. Qalanyń bolashaǵyna qatysty josparlar men júktemeler kóp»,- dedi qala ákimi.
Aıta keteıik, ústimizdegi jyldyń naýryz aıynda Elbasy halyqty turǵyn úımen qamtamasyz etý maqsatynda jańa ıpotekalyq baǵdarlamany ázirleýdi tapsyrǵan bolatyn.
«7-20-25» baǵdarlamasy boıynsha árbir jumys isteıtin azamatqa 20 paıyzdan aspaıtyn mólsherde bastapqy jarnamen 25 jylǵa deıingi merzimge, 7 paıyz ústememen ıpoteka rásimdeýge múmkindik beriledi.
Foto: astana-akshamy.kz
