Astanada 6906 aǵash pen 8 mıllıonǵa jýyq gúl otyrǵyzylady
ASTANA. QazAqparat - Kóktem shyqqan soń «Astana-Zelenstroı» AQ qyzmetkerleriniń jumysy qyza túsedi. Olar jyl saıyn qalany kógaldandyrý boıynsha birqatar is-sharalar ótkizedi. Al elorda turǵyndary men qonaqtary keshke parkterde serýendep, qalanyń kórkine laıyqty baǵasyn berip jatady.
Elordany kólgaldandyrý boıynsha jumystar «2007-2030 jyldarǵa arnalǵan Astana qalasyn kógaldandyrý tujyrymdamasyn» eskere otyryp, Astananyń Bas josparyna sáıkes júrgiziledi, dep habarlady www.astana.gov.kz .
Bıyl qala kóshelerinde, gúlbaqtarda jáne parkterde aǵash otyrǵyzý josparlanǵan. Mysaly, Esil aýdanynda 2562 aǵash, Almaty aýdanynda 3801 jáne Saryarqa aýdanynda 543 kóshet otyrǵyzylady. Sonymen qatar, uzyndyǵy 2728 qýma metr qorshaý salynbaq. 1120 qýma metr. Esil aýdanyna, 1000 qýma metr. Almaty aýdanyna jáne 608 qýma metr. Saryarqa aýdanyna tıesili. Jalpy, 145 myń sharshy m jerge 7,9 mln. dana gúl otyrǵyzylady.
Elorda turǵyndary men qonaqtary jaz boıy tiginen kógaldandyrylǵan 750 obektini tamashalaıtyn bolady: qorshaýlarǵa jasalǵan ár alýan tik kompozıtsııalar, kashpo, sharlar osynyń barlyǵy gúlden jasalady. Budan basqa, ósimdikterden jasalǵan jıyrma sándik fıgýra men 3 shaǵyn alpi taýy bolady.
Osy sala mamandarynyń aıtýynsha, jyl saıyn kógaldandyrýmen aınalysyp, elordadaǵy aǵashtar sany arttyrylmaq, ıaǵnı, qalanyń aınalasynda otyrǵyzylǵan kóshetter tas joldardyń boıyndaǵy kógaldandyrýmen ushtasatyn bolady, al olar óz kezeginde, kórikti gúlbaqtar men parkterge ulasady.
