Astanada 68665 áskerı bóliminiń sarbazdary ant qabyldady
ASTANA. KAZINFORM — Elordadaǵy «Otan qorǵaýshylar» monýmenti janyndaǵy alańda 68665 áskerı bóliminiń jas sarbazdarynyń áskerı ant qabyldaý rásimi ótti.
Sharaǵa Qurlyq áskerleri bas qolbasshysy basqarmasynyń qolbasshylyǵy, 68665 áskerı bólimi, Qarýly Kúshterdiń ardagerleri, jurtshylyq ókilderi, sarbazdardyń týǵan-týystary men jaqyndary qatysty. Bir aı ishinde jas jaýyngerler kýrsyn 160-tan astam áskerge shaqyrylǵan sarbaz bitird. Olar áskerı bólimniń tarıhymen jáne dástúrimen tanysty, erejelerdi, áskerı tehnıka men qarý-jaraqtyń taktıkalyq-tehnıkalyq sıpattamalaryn, oqý-oqytý jáne atys daıarlyǵynyń negizderin, jáne alǵashqy atystaryn oryndady.
Bas shtabtyń bastyǵy — Qarýly kúshter Qurlyq áskerleri Bas qolbasshysynyń birinshi orynbasary general-maıor Mereke Kúchekbaev jańadan shaqyrylǵan Otan qorǵaýshylaryn osy aıtýly oqıǵamen quttyqtady.
«Elimizdiń Konstıtýtsııasynda Qazaqstan Respýblıkasyn qorǵaý — árbir azamattyń qasıetti boryshy ári mindeti ekeni aıtylǵan. Bul paryz bizdiń árqaısymyzdy — qatardaǵy jaýyngerden generalǵa deıin — Táýelsiz Qazaqstanymyzdyń egemendigi men tutastyǵyn qorǵaýǵa udaıy daıyn bolýdy mindetteıdi. Barsha jigitterdi Qazaqstan Respýblıkasynyń Qarýly kúshteri qataryna shaqyrylýymen jáne áskerı qyzmetke qabyldanýlarymen taǵy da quttyqtaımyn. Sizderge belgilengen qyzmet merzimin abyroımen jáne abyroımen ótep, elge qaıratty da kemel azamat bolyp oralýlaryńyzǵa, bolashaqta Otan aldyndaǵy boryshyn óteýlerińizge tilektespin», — dedi general-maıor M.Kúchekbaev.
Shara barysynda 68665 áskerı bóliminiń jeke quramy qoıan-qoltyq urys, «Qarýmen defıle» kórsetilimin kórsetti, sondaı-aq Ulttyq áskerı-patrıottyq ortalyǵynyń shyǵarmashylyq ujymdarynyń qatysýymen kontserttik baǵdarlama usyndy.
