Astanada 68 jetim balany asyrap aldy
ASTANA. QazAqparat - Astana qalasy Bilim basqarmasynyń habarlaýynsha, búgingi tańda 1054 qaraýsyz qalǵan jáne jetim bala bar, dep habarlady qalalyq ákimdiktiń baspasóz qyzmetinen.
2015 jyldyń birinshi jartyjyldyǵynda jetim balalarǵa arnalǵan bilim mekemelerinen 68 bala otbasylarǵa asyraýǵa berilgen. Qazirgi ýaqytta Astana qalasynyń ákimdigi bekitken Jetim jáne qaraýsyz qalǵan balalarǵa qoldaý kórsetýdiń 2015-2017 jyldarǵa arnalǵan keshendi jospary ázirlendi. Keshendi jospar aıasynda qalalyq Turǵyn úı basqarmasy ústimizdegi jyldyń maýsym aıynda memlekettik turǵyn úı qorynan 67 jetim balaǵa páter berdi. Olardyń ishinde 37 bala jetimder úıleriniń túlekteri. Búgingi tańda Turǵyn úı basqarmasynda 2594 bala páter alýǵa kezekte tur. Jalpy, 2010-2015 jyldar aralyǵynda 188 jetim bala memlekettik turǵyn úı qorynan kezekke saı baspanaly boldy.
