Astanada 650 túlek «Altyn belgi» ıegeri atandy
ASTANA. KAZINFORM – Astana qalasynyń bilim berý uıymdarynda 2025-2026 oqý jylynyń túlekterine attestat tapsyrý rásimi ótti.
Qala ákimdiginiń málimetinshe, bıyl elorda mektepterin 16 myńnan astam túlek támamdady. Onyń ishinde 1 202 oqýshy úzdik attestatqa ıe bolsa, 650 túlekke «Altyn belgi» belgisi tabystaldy.
«2025-2026 oqý jylynyń qorytyndysy boıynsha elorda mektepterinde 314 964 oqýshy bilim aldy. Onyń ishinde memlekettik mektepterde – 260 418, jekemenshik mektepterde – 47 760 jáne respýblıkalyq mektepterde 6 786 oqýshy oqydy», – dep habarlady ákimdik.
Bıyl mektep bitirý keshterin uıymdastyrý kezinde únemshildik pen jaýapkershilik qaǵıdattaryna erekshe mán berilgen. Osyǵan baılanysty ata-analar men túlekterdiń 70 paıyzdan astamy meıramhanalarda saltanatty kesh ótkizýden bas tartyp, qarajatty tıimdi paıdalanýdy tańdaǵan.
Attestat tapsyrý rásimderi barlyq bilim berý uıymynda saltanatty jaǵdaıda ótti. Ustazdar men ata-analar túlekterge sát-sapar tilep, olardyń bolashaqta el damýyna úles qosatyn bilikti maman bolatynyna senim bildirdi.
Aıta keteıik, JOO-larda grant konkýrsyna qujat qabyldaý qashan bastalatynyn mynaý siltemeden bile alasyz.
