Astanada «65 jyl - 65 áskerı taǵdyr» atty derekti fılm túsirildi
Uly Jeńiske 65 jyl tolýyna arnalǵan derekti fılm - eki jobadan turatyn «Uly Jeńis - ardagerlerdiń taǵdyrynda» atty aktsııa aıasynda túsirildi. Jobalardyń birinshisinde Uly Otan Soǵysynyń 65 ardageriniń qatysýymen fotosessııa ótti. Ardagerlerdiń portretteri, aty-jónderi, shaıqasqan jerleri men óskeleń urpaqqa joldaǵan ósıet-tilekteri qalanyń ár jerlerine ilingen 85 bılbordqa ornalastyryldy.
Ekinshi jobada «65 jyl - 65 áskerı taǵdyr» atty derekti fılm túsirildi. Onyń avtorlary: Keńes Odaǵynyń eki márte Batyry Talǵat Bıgeldınov, Keńes Odaǵynyń batyrlary Saǵadat Nurmaǵambetov pen Amanjol Qalyqov, sondaı-aq Tezekpaı Abdrahmanov, Súleıman Aıtqojynov, Myńaıdar Boranbaev jáne taǵy basqalar.
«Biz joba avtorlary retinde 65 adamdy túsirdik. 65 jyl buryn bolǵan oqıǵalar adamdardyń áli esinde. Olar ony kózderine jas almaı eske túsire almaıdy», - deıdi G.Jenseıitova.
G.Janseıitovanyń aıtýynsha, jazylǵan materıaldar 30 saǵatty quraıdy. Olar Qazaqstannyń barlyq áskerı bólimderinde, elorda mektepterinde ótetin ashyq sabaqtarda jáne telearnalarda kórsetiletin bolady. Sondaı-aq kartınany Astana ákimdiginiń resmı saıtynan kórýge bolady.
