Astanada 60 jup 14 aqpanda nekelesýge nıet bildirgen
ASTANA. QazAqparat - Astanada 60 jup 14 aqpan kúni nekelesýge nıet bildirdi, dep xabarlaıdy QazAqparat.
Elordadaǵy AHAJ organdarynyń málimetteri boıynsha, búgin Saryarqa aýdanynda 30 jup neke qııatyn bolsa, Almaty aýdanynda - 28, Esil aýdanynda - 2.
Aıta keteıik, Qazaqstanda atalmysh merekege ekiudaı pikir qalyptasqan. Áleýmettik jelilerde Áýlıe Valentın kúnin "batystan kelgen túsiniksiz áýlıeniń merekesi" dep atap, ony toılamaýǵa shaqyrýda. Buǵan qarsylyq tanytyp otyrǵandardyń qatarynda musylmandar ǵana emes, pravoslavtar da bar.
Elimizde Maxabbat kúni resmı túrde 15 sáýir dep belgilengen jáne ol Qozy Kórpesh pen Baıan sulý kúni dep atalady. Bul mereke 2011 jyly paıda boldy. Qazaq tilinde ol «Ulttyq ǵashyqtar kúnine oraı» degen ataýmen tirkelgen. Merekeniń ataýy qazaq eposynyń eki keıipkeri - Qozy Kórpesh pen Baıan sulýdyń qurmetine oraı ataldy.
Aıta ketý kerek, kúni keshe Islamabadtyń joǵarǵy soty Áýlıe Valentın kúni ıslam mádenıetine qaıshy keledi dep, ony Pákistan astanasynda atap ótýge tyıym saldy.
