Astanada 60 PIK tóraǵasy ákimshilik jaýapkershilikke tartyldy - ІІD
Astana. QazAqparat - 2015 jyldyń birinshi jarty jylynda Astana qalasy boıynsha 60 páter ıeleri kooperatıvteriniń tóraǵalary ákimshilik jaýapkershilikke tartylǵan.
Bul týraly búgin Astana qalasynyń prokýratýrasynda ótken jıyn barysynda Astana qalasy ІІD Ákimshilik polıtsııa basqarmasy basshysynyń orynbasary Ǵosman Jakın málim etti.
«Usaq-túıek qylmystarǵa múlde tózbeý prıntsıpin halyq sanasyna sińirý úshin barlyq múddeli memlekettik organdar, sondaı-aq qoǵamdyq uıymdar birlese jumys isteıdi. Osy jyldyń jarty jylynda 34 jedel- aldyn alý sharalary, 280 reıd júrgizildi. Jedel sharalardyń barysynda tártip buzǵan 9 myńǵa jýyq adam ishki ister organdaryna jetkizilip, 8 myń ákimshilik quqyq buzýshylyq anyqtaldy»,-dedi Ǵ.Jakın.
Ǵ.Jakınniń baıandamasyna súıensek, ákimshilik tártip buzǵandardyń arasynda jeke tulǵalardan basqa, merdiger qurylys uıymdarynyń jetekshileri men páter ıeleri kooperatıvteriniń jetekshileri de bar. Ókinishke oraı, ákimshilik polıtsııa ókili bul uıym jetekshileriniń naqty qandaı baptar boıynsha tártip buzǵanyna toqtalmady.
«Sonymen qatar, merdiger jáne qurylys uıymdarynda, páter ıeleri kooperatıvterindegi ákimshilik tártip buzýshylyqtardyń aldyn alý jáne olardy anyqtaý jóninde tıisti sharalardy qolǵa aldyq. Sonymen, bul baǵyttaǵy jumystyń alty aıdaǵy qorytyndysyna súıener bolsaq, 60 PIK-tiń tóraǵasy, 32 merdiger qurylys uıymdarynyń jetekshileri ákimshilik jaýapkershilikke tartyldy»,-deıdi Ǵ.Jokın.
Aıta keteıik, búgin Astana qalasynyń prokýratýrasynda qoǵamdaǵy tártip buzýshylyqtarǵa múlde tózbeý prıntsıpin qalyptastyrý jóninde vedomstvoaralyq keńes ótti.
