Astanada 60 adam órtten qutqaryldy

ASTANA. KAZINFORM – TJM qutqarýshylary 60-qa jýyq adamdy qutqardy jáne evakýatsııalady.

Búgin Astanyń Esil aýdanyndaǵy kóp qabatty turǵyn úılerdiń birinde 2 qabat pen 4 qabattyn aralyǵynda elektr symdarynyń tuıyqtalyp, órttiń shyǵýyna sebep boldy.

TJM kúshimen tútindi aımaqtan avtosatymen jáne úsh ıindi satynyń kómegimen 13 adam, onyń ishinde 6 bala qutqarylyp, baspaldaq marshymen 45 adam, onyń ishinde 12 bala evakýatsııalandy. Órt tolyǵymen sóndirildi, shyǵý sebebi anyqtalyp jatyr.

TJM azamattardan turmystaǵy órt qaýipsizdigi erejelerin saqtaýǵa shaqyrady.

Buǵan deıin Óskemende TJM qyzmetkerleri órt kezinde 5 adamdy evakýatsııalaǵan bolatyn.