Astanada 6 jasar qyzdy zorlaǵan kúdikti qamaýǵa alyndy
ASTANA. 29 maýsym. QazAqparat /Jasulan Amanbaıuly/ - Astanada 6 jasar qyzdy zorlady degen kúdikpen 22 jastaǵy jigit qamaýǵa alyndy.
Bul týraly búgin Astanada Іshki ister mınıstrliginde bolǵan baspasóz máslıhatynda Memlekettik til jáne aqparat departamenti bastyǵynyń orynbasary Qalamqas Temirova málim etti.
Ol jábirlenýshiniń kórshisi ekendigi anyqtalǵan. Ol qyz balany aldaý arqyly úıine kirgizip alyp, zorlaǵany anyqtalyp otyr. Zorlaý faktisi boıynsha tergeý amaldary júrgizilýde.
«Astana qalasynyń ishki ister bólimine bir áıel adam habarlasyp, 6 jasar qyzyn belgisiz bireýdiń zorlap ketkeni týraly aryzdanǵan. Sol kúni krımınaldyq polıtsııa qyzmetkerleri jedel-izdestirý is-sharalaryn júrgizý barysynda Kırpıchnyı kentiniń buryn sottalǵan 22 jastaǵy turǵynyn ustady. Ol jábirlenýshiniń kórshisi bolyp shyqty», - deıdi Q. Temirova.
Ustalǵan ýaqytsha ustaý ornyna qamaýǵa alyndy.
