Astanada 6 jasar bala 9-qabattan qulap kete jazdady
ASTANA. QazAqparat - Astana ІІD jergilikti polıtsııa qyzmeti jol-patrýl polıtsııasynyń ınspektory, polıtsııa aǵa leıtenanty Azamat Baltabaev 9-qabattaǵy páter terezesiniń taqtaıshasynda júrgen 6 jasar balany qutqardy, dep habarlaıdy QazAqparat ІІD baspasóz qyzmetine silteme jasap.
«20 maýsym kúni 17:00 shamasynda polıtsııaǵa Qobylandy batyr kóshesindegi kópqabatty turǵyn úıdiń 9-qabatynda kishkentaı bala terezeni ashyp, taqtaıshasynda júrgeni týraly habar keldi. Oqıǵa ornyna aǵa polıtsııa leıtenanty Azamat Baltabaev pen polıtsııa serjanty Tımýr Shyndáýletovten quralǵan «Yrǵyz-91» ekıpajy jedel attandy», - delingen habarlamada.
Azamat Baltabaevtyń aıtýynsha, terezeniń taqtaıynda otyrǵan balany úıge kirgizgende, páterde osy eki sábı - 6 jasar ul men 8 jastaǵy qyzdan basqa eshkim bolmaǵan.
Balalardyń ata-anasy jumysta bolǵan. Olarǵa túsindirý jumystary júrgizildi.
Eske sala keteıik, polıtseı Azamat Baltabaev byltyr 5 tamyzda Frantsııa azamaty Jorj Kıeffermen birge sýǵa batyp bara jatqan adamnyń da ómirin saqtap qalǵan bolatyn.
Basty sýret: KP.UA
