Astanada 6 zaýyt pen fabrıka salynady
«Elorda qarqyndy damyp keledi. Qalada qurylys materıaldaryna suranys joǵary. Investıtsııalar máseleleri jónindegi kezekti óńirlik úılestirý keńesinde 6 zaýyt pen fabrıka qurylysy maquldandy. Mysaly, kirpish zaýytyn salý, temir-beton buıymdaryn, kespe tastar men jıek tastardy, sanfaıans pen keramıkany óndirý jobalary qaralyp, qoldaý tapty», - dep jazdy ákim Facebook-te.
Qala basshysy búgin kirpish zaýytynyń qurylys ornyna bardy. Zaýyttyń óndiristik qýaty jylyna 120 mln dana qysh kirpishti quraıdy. Jobany iske asyrý sharshy metrdiń ózindik qunyn tómendetýge jáne óndiris kólemin ulǵaıtýǵa múmkindik beredi. Zaýyt tolyǵymen avtomattandyrylǵan bolady. Gazben birkelki kúıdirý esebinen qatardaǵy jáne qaptalǵan keramıkalyq kirpish shyǵarý kózdelgen.
Taǵy bir joba - jumsaq jáne korpýstyq jıhaz, sondaı-aq esikter shyǵarý jobasy. Jańa jıhaz fabrıkasy jylyna 24 myńǵa jýyq jumsaq jáne shkaf jıhazdaryn shyǵarady. Al esik shyǵaratyn zaýyt aıyna 2 myńǵa deıin ishki esikter jıyntyǵyn shyǵarady. Investorlardyń osy salada aıtarlyqtaı tájirıbesi bar.
Qoldaý tapqan jobalardy júzege asyrý 1 myńǵa jýyq jumys ornyn ashýǵa jáne el ekonomıkasyna 50 mlrd teńge tartýǵa múmkindik beredi.
«Ótken jyly qalada 3 mln sharshy metr turǵyn úı salynyp, paıdalanýǵa berildi. Mysaly, 2020 jyly 7 myńnan astam áleýmettik páter salyndy. Bıyl bul kórsetkishti 10 myńǵa deıin kóteremiz. Tıisinshe, ilespe óndiristerdi – «qarapaıym zattar ekonomıkasyn« damytý qajet. Otandyq óndirýshilerdi, qala men turǵyndar úshin qajetti jobalardy qoldaý mańyzdy. Qurylys ındýstrııasynyń óndirisin keńeıtý qajet. Árbir jeke joba - bul jeke ınvestıtsııalardy tartý ǵana emes, jańa jumys oryndaryn qurý.
Memleket basshysynyń tapsyrmasy boıynsha ınvestorlarǵa qolaıly jaǵdaı jasaımyz. Qoldaý kórsetilgen jobalardy iske asyrý barysyn árbir ınvestormen jeke pysyqtaımyz», - dedi Altaı Kólginov.
