Astanada 6 shilde kúni 60-tan astam sábı dúnıege keldi, úsheýine Nursultan esimi berildi
ASTANA. QazAqparat - Astanada 2014 jylǵy 6 shilde kúni 61 sharana dúnıe esigin ashty, dep habarlady qala ákimi apparatynyń baspasóz qyzmetinen.
«Saǵat 00.00-degi málimetke sáıkes, táýlik ishinde 28 qyz bala jáne 33 ul bala dúnıege keldi, sonyń ishinde altaýy - basqa qalalardan kelgender. Úsh sábıge Elbasynyń qurmetine Nursultan esimi berildi», - delingen habarlamada. Barlyq sharanalar men olardyń analaryna estelik syılyqtar tabystaldy.
