Astanada 6 myńǵa jýyq bolashaq «sarbaz» izdestirilýde
ASTANA. QazAqparat - Qazaqstanda áskerge barýdan boı tasalaıtyn jastar sany az emes.
Astananyń ózinde 6 myńǵa jýyq shaqyrylýshy tıisti meken jaıynan tabylmaı, sala mamandaryn sergeldeńge salyp otyr.
Osy kúni Otan qorǵaýdan jaltaryp júrgender memleketke aıyppul túrinde 19 mıllıon teńge qaryz. Jastary 18-den assa da, áskerge barýǵa asyqpaı júrgen jetkinshekter jeterlik. Basym bóligi san túrli syltaý aıtyp, shaqyrtý qaǵazdaryn jaýapsyz qaldyrady.
Astana qalalyq qorǵanys isteri jónindegi departamenttiń bólim serjanty Jasulan Asylbekovtyń aıtýynsha, áskerge shaqyrý naýqany bastalǵanda, olar úı-úıdi aralap, shaqyrtý qaǵazdaryn taratady. Biraq 10 shaqyrtý qaǵazynyń ekeýi ǵana ıesine jetedi. Sebebi jastardyń deni meken jaılaryn aýystyryp, ol týraly áskerı shaqyrý komıssııasyna eskertpeıdi.
Jalpy elordadaǵy áskerge shaqyrylýshylardyń 60% tıisti meken jaılarynda turmaıdy.Sondyqtan qoǵamdyq oryndarda kez kelgen jetkinshektiń qujaty tekserilip, 18 jastan asqandary jınaqtaý pýnktterine jiberilip jatyr. Al áskerge barýdan bas tartqandary aýqymdy aıyppul tóleýge mindetteledi. Jyl basynan beri osyndaı 2 myń derek tirkeldi.
Derekkózi: «Habar24» arnasy.
