Astanada 6 myń oqýshy shyǵarmashylyq baıqaýǵa qatysady
ASTANA. QazAqparat - 9 sáýirde «Shattyq-2018» atty balalar men jasóspirimder arasyndaǵy qala deńgeıindegi shyǵarmashylyq jańalyqtar baıqaýy bastalady, dep habarlaıdy «QazAqparat» HAA tilshisi Astana qalasynyń Bilim basqarmasyna silteme jasap.
Jańashyl jobalardy Astanadaǵy 116 bilim uıymynyń alty myńnan astam qatysýshysy usynbaq. 2018 jyly 40 altyn medal, 60 kúmis medal jáne 80 qola medal sarapqa salynady. 160-tan astap pedagog sertıfıkattarmen marapattalyp, 450 shyǵarmashylyq ujym men ánshiler baıqaýdyń dıplomanty atanady.
15 kúnge sozylatyn festıval qalanyń ár jerinde ótedi. Baıqaýǵa QR óner qaıratkerleri, bilim jáne mádenıet salasynyń eńbek sińirgen qyzmetkerleri, JOO jáne memlekettik mekemelerdiń ókilderi shaqyrylady.
