Astanada 6 mıllıonnan astam gúl otyrǵyzylady
ASTANA. QazAqparat - Bıyl jazda elorda kóshelerinde 6 mıllıonnan astam gúl otyrǵyzylady, dep habarlaıdy QazAqparat tilshisi.
Aýa raıynyń qolaısyzdyǵyna baılanysty kógaldandyrý jumystary jyldaǵydan kesh bastalýda. Qazir kógaldandyrýshylar men landshaft dızaınerleri qyzý jumys ústinde.
Gúl ósirip, baptaýda 15 jyldyq tájirıbesi bar Marııa Tsareva óz sózinde: «Astananyń salqyn aýa raıynda gúlderdi saqtaý men qorǵaý erekshe kútimdi talap etedi. Jazdyq gúlder úshin basty qajettilik kún shýaǵy, sondyqtan gúlderdi tańdaýda elordanyń aýa raıyn eskerip, jaýyn-shashynǵa tózimdi túrlerin tańdaımyz», - dedi.
Mamandardyń aıtýynsha, Qazaqstanǵa gúlder negizinen Eýropa elderinen jetkiziledi jáne kóbisi bir mezgildik. Sonymen qatar jyl saıyn ártúrli gúl túrlerin otyrǵyzý tájirıbesi qolǵa alynǵan. Astana jylyjaıynda vıola, tagetes, tsınerarııa jáne taǵy basqa 80 túrli gúl daıyn tur.
Kógaldandyrý men gúlderdi arnaıy obrazǵa keltirýde júzdegen adamnyń ólsheýsiz eńbegi jatyr. Bıylǵy jyly 120 myńnan asa sharshy metr jerdi kógaldandyrý jumystary josparlanyp otyr. Kógaldandyrýshy Márııam Rýbaeva: «Biz tańǵy 7-den jumysqa shyǵamyz, ár kógaldandyrýshynyń óziniń jaýapty ýchaskesi bar, otyrǵyzyp bolǵan soń, kútip-baptaý jumystarymen aınalysamyz», - deıdi.
Qazir mamandar Astananyń 20 jyldyq mereıtoıyna arnalǵan landshaft dızaındarynyń sońǵy daıyndyq jumystaryn júrgizýde.
«Landshaft jasaýda obrazdarmen qatar, kólemi jáne basqa gúldermen sáıkestigi, onymen qosa ornalasatyn jeri eskerilip, esepteledi», - dep atap ótti Landshaft sheberligi jobasynyń jetekshisi Gúlnur Imambekova.
Astana mereıtoıyna arnalǵan qalany kógaldandyrýdaǵy úlken syıdyń biri botanıkalyq baqtyń ashylýy dep kútilýde. Mamandar mereke qarsańynda qala turǵyndary men qonaqtaryna erekshe syı ázirlep jatqandaryn jáne ázirge onyń qupııa ekenin aıtty.
