Astanada 6 aqpanda Qazaqstan halqy Assambleıasy jylynyń saltanatty ashylýy ótedi
ASTANA. QazAqparat - 6 aqpan kúni Astanada Beıbitshilik jáne kelisim saraıynda Qazaqstan halqy Assambleıasy jylynyń saltanatty ashylýy ótedi. Ashylý saltanatyna kórnekti qoǵam jáne mádenıet qaıratkerleri, túrli etnomádenı birlestikterdiń ókilderi qatysady.
Assambleıa jyly qarsańynda qalada kópshilik mádenı is-sharalar ótkiziledi, dep habarlady astana.kz .
Qalalyq alańdar men muz aıdyndarynda buqaralyq sport saıystary men halyq serýeni ótedi. Іs-sharalar «Alaý» muz aıdyny saraıynda, Esil ózeni men Aqbulaqtaǵy ashyq muz aıdyndarynda, shańǵyrollerlik trassada, qalalyq jáne «Báıterek» monýmentiniń aldyndaǵy alańdarda uıymdastyrylady.
Astanada Assambleıanyń 20 jyldyǵyna arnalǵan etnosaralyq ózara is-qımyldy arttyrýǵa baǵyttalǵan iri mádenı is-sharalardy jyl boıy ótkizý josparlanǵan. Merekelik etnofestıvaldar, astanalyq oqýshylar úshin beıbitshilik jáne kelisim dáristeri, balalar shyǵarmashylyǵynyń saıystary jáne memlekettik tildi meńgerý baıqaýlary ótkiziledi. Sonymen qatar, qala JOO-lary men mektepterinde mádenı birlestikter kúnderi bolady.
Bıyl elorda kúni «Astana beıbitshilik jáne kelisim qalasy» uranymen ótpek.
