Astanada 6-7 qazan kúnderi MMA-dan Álem chempıonaty ótedi

ASTANA. QazAqparat - 6-7 qazan kúnderi Astanada dúnıejúzilik MMA qaýymdastyǵy (WMMAA) nusqalary boıynsha V Álem chempıonaty ótedi, dep habarlaıdy «QazAqparat» HAA tilshisi akylkenes.kz-ke silteme jasap.

Atalǵan álemdik sharaǵa 30 eldiń 100-den astam sportshy qatysyp, segiz túrli dárejedegi álem chempıony tıtýlyna talasady.

Bunyń aldyndaǵy MMA álem chempıonaty 2016 jyldyń qarasha aıynda Qytaıdyń Makao qalasynda ótken bolatyn. Ol kezde týrnırge 23 eldiń sportshylary qatysty.

Osy jolǵy týrnırge arnaıy shaqyrylǵan qonaqtar qatarynda: álemdik aralas jekpe-jektiń  ańyzǵa aınalǵan tulǵasy, dúnıejúzilik MMA qaýymdastyǵynyń qurmetti prezıdenti Fedor Emelıanenko; qazaqstandyq boksshy, 2012 jyldaǵy olımpıada chempıony, ıÝNESKO-nyń sport jónindegi erikti elshisi Serik Sápıev; áıgili reseılik jattyqtyrýshy Abdýlmanap Nýrmagomedov; qazaq boksshysy, olımpıada chempıony  Danııar Eleýsinov jáne taǵy basqalar bar.