Astanada 580 «otbasylyq tıran» jaýapqa tartyldy
PD basshysy málim etkendeı, halyq sanynyń ósýi, kóshi-qon protsesteriniń, onyń ishinde ishki kóshi-qonnyń joǵary deńgeıi, sondaı-aq turmystyq jáne múliktik qylmystar, ınternet-saýdanyń keń taralýyna baılanysty qylmystardy tirkeý 4,7%-ǵa ulǵaıǵan. Sondaı-aq, 10 myń turǵynǵa shaqqandaǵy qylmys deńgeıi 131-den 125-ke deıin tómendedi. Kisi óltirý, ólimge ákep soqtyratyn densaýlyqqa aýyr zııan keltirý, zorlaý, tonaý, buzaqylyq jáne esirtki qylmysynyń ashylýy jaqsardy. 243 izdeýde júrgen qylmysker ustaldy, 192 iz-túzsiz joǵalǵan azamattyń taǵdyry anyqtaldy. Jalpy, sońǵy 5 jylda qylmystar sany 2 esege azaıǵan.
Otbasylyq-turmystyq zorlyq-zombylyqtyń tıimdi aldyn alýdyń mańyzy zor. Osy jyly otbasylyq-turmystyq negizde 69 qylmys jasaldy. Janjalqoılarǵa qatysty 3 274 ákimshilik hattama toltyryldy, sot sheshimi boıynsha 507 adam qamaýǵa alyndy, 7 663 qorǵaý uıǵarymy shyǵaryldy, polıtsııanyń ótinishi boıynsha sottar quqyq buzýshylardyń minez-qulqyna 387 erekshe talap qoıdy. Belgilengen shekteýlerdi buzǵany úshin 580 «otbasylyq tıran» ákimshilik jaýapkershilikke tartyldy, -
dep atap ótti Marat Tólebaev.
Jyl basynan beri 190 esirtki qylmysy anyqtalyp, 250 kg ártúrli esirtki túrleri tárkilendi. 4 narkolaboratorııanyń qyzmeti toqtatyldy, 75 narkosaıt buǵattaldy. Qabyldanǵan sharalarmen 530 ınternet-alaıaqtyqty ashýǵa múmkindik týdy, 260-tan astam jalǵan habarlandyrýlar men 540 zańsyz ınternet-resýrs buǵattaldy.
Kezdesý barysynda qylmystardy ashýǵa belsendi atsalysqany, sondaı-aq quqyq buzýshylyqtardyń aldyn alýdaǵy jáne qoǵamdyq tártipti qamtamasyz etýdegi ózara is-qımyl jasaǵany úshin elordanyń birqatar turǵyny departamenttiń alǵys hattarymen marapattaldy.