Astanada 55 jyl buryn salynǵan eski mekteptiń janynan jańa ǵımarat boı kóterýde
NUR-SULTAN. QazAqparat - Elordada eski mektepterdi keńeıtý jumysy qarqyndy júrip jatyr, dep habarlaıdy QazAqparat.
Bul jaıynda shahar basshysy Altaı Kólginov Instagram paraqshasynda málimet taratty.
«55 jyl buryn salynǵan eki mektepke bardym. Onyń biri – №23 orta mektep (Óndiris turǵyn alaby). Oqý ornynyń jobalyq qýaty – 350 oryn. Bul mektepke Memleket basshysy baryp, jańa mektep salýdy tapsyrǵan bolatyn. Qazirgi oqý orny aýmaǵynda jańa bes qabatty mektep salyp jatyrmyz. Ol taǵy 1200 oqýshyny eki aýysymda qabyldaı alady. ıAǵnı, jańa mektep qazirgiden eki ese úlken bolady. Buǵan qosa №25 orta mektep (eski vokzal aýdany) dırektory jáne muǵalimderimen kezdestim» dep jazdy ákim.
Onyń aıtýynsha, eski vokzal mańynda taǵy bir mektep salý máselesi qarastyrylady. Sebebi suranys bar ári bul aýdan – elordanyń halyq eń kóp turatyn aýdany.
«Bıyl 2019 jylmen salystyrǵanda eki ese kóp mektep saldyq. Barlyǵy - 12 mektep. Sondaı-aq, buryn mektebi bolmaǵan turǵyn alaptarynda da salyndy. Kóktemnen bastap 2021 jylǵa daıyndaldyq. Endi shaǵyn mektepterden úlken mektepter qurylysyna kóshemiz» deıdi Altaı Kólginov.
Kelesi jyly 20 myń oryndyq (eki aýysymmen - 40 myń oryn) mektepter salynady dep josparlanǵan.
Bul - oqýshylar orny 2020 jyldan eki ese, al 2019 jyldan 4 ese kóp bolady degen sóz.
