Astanada №53 avtobýstyń qozǵalysy toqtatyldy
ASTANA. QazAqparat - Astana qalasynyń jolaýshylar kóligi jáne avtomobıl joldary basqarmasynyń habarlaýynsha, suranystyń tómen bolýy jáne tıimsizdigi saldarynan 28 sáýirden bastap qalada №53 jedel marshrýty baǵytyndaǵy avtobýstyń qozǵalysy toqtatylady.
Eske sala keteıik, jedel marshrýttardyń birine jatatyn №52 avtobýs ótken jyldyń naýryz aıynan júrgizile bolatyn. Qalalyq №52e ekspress-marshrýty «Aımaqaralyq aýrýhana - Manas kóshesi - Sh.Qudaıberdiuly kóshesi - Ǵ. Mustafın kóshesi - B. Momyshuly dańǵyly - R. Qoshqarbaev dańǵyly - M1 kópiri - Orynbor kóshesi - D.Qonaev kóshesi - Qabanbaı batyr dańǵyly - sońǵy aıaldama: «Lesnaıa polıana» turǵyn alaby» syzbasy boıynsha qatynaıdy. Óz jumysyn jalǵastyratyn taǵy bir №54e jedel jolaýshylar kóligi Jibek joly turǵyn alabynan «Balbala» balabaqshasyna deıin kelesi baǵyt boıynsha qatynaıdy: Jibek joly t/a - Qaraǵandy tas joly - Abylaı han dańǵyly - Kenesary kóshesi - Jeńis dańǵyly - S.Seıfýllın kóshesi - №188 kóshe - sońǵy aıaldama: «Balbala» balabaqshasy. Ekspress-marshrýttardaǵy jol júrý quny: eresekter úshin - 120 teńge, balalarǵa - 60 teńge. Qajetti qujattardy kórsetken jaǵdaıda bul marshrýttarda UOS ardagerlerine, I, II jáne III toptaǵy múgedekterge, kópbalaly otbasylarǵa, kópbalaly analarǵa, zeınetkerlerge jol júrý aqysyna jeńildikter jasaý qarastyrylǵan, dep habarlaıdy astana.kz.
