Astanada 525 sporttyq uıym jumys isteıdi
ASTANA. QazAqparat - Týrızm, dene tárbıesi jáne sport basqarmasynyń málimetinshe, búginde qalada 525 sporttyq uıym jumys isteıdi, dep jazady astana.gov.kz.
Atap aıtqanda, 30 000 oryndyq «Astana Arena» jabyq stadıony, eki sport saraıy, qurama komandalardyń eki oqý-jattyǵý ortalyǵy, 13 sport kesheni, 6 sport maneji, bir shańǵy bazasy, 26 atys orny, 17 hokkeı jáne 22 tennıs alańy, 19 júzý basseıni, 182 sport zaly, sondaı-aq basqa da birqatar sport nysandary bar.
Budan basqa, Astanada ulttyq sport túrleri men buqaralyq dene shynyqtyrý saýyqtyrý klýby ashylyp, belsendi jumys istep keledi. Munda gir kóterý, paýerlıftıng, armrestlıng jáne toǵyzqumalaq pen qazaqsha kúresten jattyǵýlar ótkiziledi.
Elordada qoǵamdy sportqa jáne salaýatty ómir saltyna tartý úshin dene shynyqtyrý-saýyqtyrý sharalary, keshendi jarystar men baıqaýlar júıeli ótkizilip turady. Jalpy, eki jylda 600-ge jýyq sporttyq shara uıymdastyryldy.
