Astanada №52 jəne №54 avtobýstar jol qozǵalysynan shyǵady
ASTANA. QazAqparat - 3 qazannan bastap Astanada №52 jəne №54 ekspress-avtobýstar jol qozǵalysynan shyǵady. №54 avtobýstyń ornyna jańa №105 ekspress-avtobýs jolǵa shyqpaq. Bul týraly «Astana LRT» kompanııasynyń baspasóz hatshysy Aıgúl Jamalova məlim etti.
«Tamyz aıynan bastap qalada №№100,101, 102,103,104 baǵdarly ekspress-avtobýstardy jolǵa shyǵarǵan edik. Bul avtobýstar sol kezde joıylady dep josparlaǵanbyz, biraq, halyq osy avtobýstardyń ornyna júretin baǵdardarǵa úırensin dep, keıinge shegerdik. Endi №52 avtobýs múlde júrmeıdi, al 54 avtobýstyń ornyna Jibek joly aýylyna deıin baratyn jańa №105 ekpress-avtobýs jolǵa shyǵady. Bul avtobýsta jolaýshylar úshin barlyq jeńildikter saqtalady», - dedi A.Jamalova.
Buǵan deıin habarlaǵanymyzdaı, erteńnen bastap elordada Astana-Taıtóbe arasynda №302 avtobýs (jolaqy mólsheri 150 teńge), Astana-Qosshy arasynda №303 avtobýs (jolaqy 130 teńge), Astana-Jibek joly arasynda №304 avtobýs (jolaqy 160 teńge), Astana-Talapker arasynda №306 avtobýs (jolaqy 120), Astana-Qoıandy arasynda №307 avobýs (jolaqy 100 teńge), Astana-Vozdvıjenka arasynda №311 avtobýs (jolaqy 140 teńge) júredi.
A.Jamalova bul avtobýstardyń barlyǵy joǵary klasty (Hyundai jəne Mercedes) avtobýstar, oryndyqtary jumsaq əri yńǵaıly ekenin atap ótti.
