Astanada 50 mlrd teńgege jýyq qarjyǵa memlekettik aýdıt júrgiziledi
ASTANA. KAZINFORM — Astanada 2026 jyly shamamen 50 mlrd teńgeni qamtıtyn memlekettik aýdıt ótedi.
Tekserý birqatar kommýnaldyq mekeme men uıymdardy, sonyń ishinde mektepterdi, balabaqshalardy, áleýmettik ortalyqtardy jáne kólik kásiporyndaryn qamtıdy.
Tizimge № 23 jalpy bilim beretin mektep, № 81 «Ásemgúl» balabaqshasy, № 1 avtobýs parki, № 1 ońaltý ortalyǵy, sondaı-aq arnaıy áleýmettik qyzmet kórsetetin mekemeler engizilgen.
Aýdıttik is-sharalar jyl boıy kezeń-kezeńimen — birinshi toqsannan tórtinshi toqsanǵa deıin júrgiziledi. Tekserýler nysanǵa baılanysty 2021–2025 jyldar aralyǵyn qamtıdy.
Josparǵa sáıkes, aýdıtke jatatyn bıýdjettik qarajat pen aktıvterdiń jalpy kólemi 49,3 mlrd teńge.
Tekserýdiń negizgi bóligi bıýdjet qarajaty men memlekettik aktıvterdiń tıimdi paıdalanylýyna aýdıt júrgizý, sondaı-aq zańnama talaptarynyń saqtalýyn tekserý formatynda ótedi.
Buǵan deıin Úkimet jekemenshik mektepter boıynsha aýdıt nátıjelerin jarııalaǵany týraly jazǵan edik.
