Astanada 505 jasóspirim ІІD-niń aldyn alý esebinde tur - A. Áýbákirov
TANA. 20 qazan. QazAqparat - Astanada 505 jasóspirim ІІD-niń aldyn alý esebinde tur. Tirkelgenderdiń 479-y - oqýshylar.
Bul týraly elordadaǵy mektep, lıtseı jáne kolledj dırektorlarymen kezdesý ótkizgen Astana qalalyq ІІD-niń bastyǵy Amantaı Áýbákirov málim etti.
Astanada kámelettik jasqa tolmaǵandardyń arasyndaǵy quqyq buzýshylyqtardy aldyn alý máselesine arnalǵan jıynda Bilim basqarmasynyń ókilderi, 6 mektep, 7 kásiptik lıtseı jáne 28 kolledjdiń dırektorlary qatysty.
Qalalyq ІІD bastyǵy Amantaı Áýbakirov, bilim berý mekemeleri men polıtseılerdiń ujymdasa qyzmet etken kezde ǵana kámelet jasyna tolmaǵandardyń arasyndaǵy qylmysty azaıtýǵa bolatyndyǵyn erekshe atap ótti.
«Osyndaı sharalar ósip kele jatqan býynǵa tárbıe berý isinde tıimdi jumys jasaýǵa jáne tyǵyz áriptestik ornatýǵa septigin tıgizedi», - dedi ol.
Jıyn qorytyndysynda ata-analar keńesi, mektep jáne polıtsııa arasyndaǵy qarym-qatynasty damytýǵa arnalǵan birqatar sheshimder qabyldandy.
Sonymen qatar aı saıyn birlesken keńesterdi ótkizý boıynsha ýaǵdalastyq jasaldy.
