Astanada 500-ge jýyq otbasy TJD qyzmetkerlerin úılerine kirgizbegen
ASTANA. QazAqparat - Astanada jeke úılerge ýly gazdy anyqtaıtyn 1 myńnan astam datchık ornatyldy, dep habarlaıdy QazAqparat qala ákimdigine silteme jasap.
«Jyl saıyn jylytý maýsymy boıy TJ departamentiniń qyzmetkerleri jeke sektordy aralap shyǵady. Jylytý maýsymy bastalǵannan beri biz, jalpylaı alǵanda, 73 735 adamdy qamtıtyn 456 qurylysty aralap shyqtyq. Qazir bul tekseristiń ekinshi legi júrgizilýde», - dedi Astana qalasy TJD Órt qaýipsizdigi salasyndaǵy baqylaý jáne profılaktıkalyq qyzmet basqarmasy bastyǵynyń orynbasary Ádilhan Dúısenov.
Sonymen qatar, bıyl Astana qalasynyń turǵyn úı sektorynda órttiń aldyn alý jumystaryn uıymdastyrý boıynsha shtab quryldy. Taldaý negizinde órt jáne ýly gazben ýlaný qaýpi bar turǵyn úı sektorynyń ýchaskeleri anyqtaldy.
«Ákimdiktiń málimetinshe, Astanada, saıajaıdy eseptemegende, 22 myńnan astam jeke úı bar. 5 aqpannan bastap jeke sektordaǵy 16 328 úıdi aralaý júrgizildi. Olardyń 2 548-i maqsatyna saı paıdalanylmaǵan. Qujattar boıynsha bul úıler saıajaı ýchaskeleri syndy. Eger bul jerde adamdar ómir súrip jatsa, ýaqytsha baspana retinde esepke alamyz», - deıdi Ádilhan Dúısenov.
TJD qyzmetkerleri óz reıdterin qalalyq polıtsııa departamentimen, QR ІІM TJ komıtetimen, ákimdik qyzmetkerlerimen jáne eriktilermen birlesip júrgizýde.
Inspektorlar turǵyndarǵa órt qaýipsizdigi erejelerin túsindirýmen qatar, kómekke muqtaj otbasylardy anyqtaýda. «Jeke sektordy aralaý barysynda 479 az qamtylǵan otbasy, 545 tórt jáne odan da kóp balalary bar otbasylar anyqtaldy. Az qamtylǵan otbasylar anyqtalǵan jaǵdaıda, biz jergilikti atqarýshy organdarǵa aqparattyq hattar jiberemiz. Aýdan ákimdikterimen birlesip, halyqtyń áleýmettik osal toptarynyń ókilderine: zeınetkerlerge, kópbalaly jáne taǵy basqa otbasylarǵa gaz tunshyqtyrǵysh jáne tútin datchıkterin ornatý júrgiziledi. Barlyǵy 1049 satyp alyndy, sonyń ishinde 527 ýly gaz jáne 522 tútin datchıgi bar. Qazirdiń ózinde 1019 datchık ornatyldy. Sonymen qatar, Saryarqa aýdanynyń ákimdigi áleýmettik jaǵynan osal otbasylardyń úılerinde demeýshilik kómek esebinen peshti jóndeıtin mamandar tobyn anyqtady. Meniń oıymsha, qalǵan aýdandyq ákimdikter de bul úrdisti qoldaıdy», - dedi A.Dúısenov.
«Turǵyndar da alýan túrli bolyp keledi. Keıbireýleri úılerine kirgizýden bas tartady. Biraq aıta ketý kerek, halyqtyń negizgi bóligi túsinistikpen qaraıdy jáne bizdiń usynystarymyzdy qabyldaıdy. 2936 úıge kire almadyq, olardyń 459-y bizdiń qyzmetkerlerimizdi úılerine kirgizbese, 2477 úı ıeleri aralaý kezinde bolmady. Bizdiń qyzmetkerlerimiz kire almaǵan úılerdi qaıtadan aralaýǵa kirispek», - dep qosty ol.
