Astanada 500-den astam polıtseı Konstıtýtsııa kúnine arnalǵan velojarysqa qatysty

ASTANA. QazAqparat - Búgin, 30 tamyzda tańǵy saǵat 7.00 «Atameken» kesheninen Qazaqstan Respýblıkasynyń Konstıtýtsııa kúnine arnalǵan dástúrli velojarysy bastaldy, dep habarlady Astana qalalyq ІІD.

Buqaralyq marafonǵa elordalyq polıtsııa bastyǵy, polıtsııa general-maıory Amantaı Áýbákirovtyń basshylyq etýimen bes júzden astam ІІD qyzmetkeri qatysty.

«Atameken» kesheninen bastalǵan marafon Qabanbaı batyr kóshesinen Jánibek-Kereı kóshelerine deıin jalǵasyp, keıin «Mángilik El» monýmentinde aıaqtaldy.

Іshki ister organdarynyń ardagerleri de bul sharadan shet qalmady. Sharaǵa ІІD ardagerler keńesiniń tóraǵasy 75 jastaǵy Esim Tanabergenov pen «Saryarqa» aýdandyq ІІB ardagerler keńesiniń tóraǵasy Qarshyǵa Kishkentaev qatysty.

Sharanyń basynan aıaǵyna deıin joldaǵy qaýipsizdik sharalary uıymdastyryldy.