Astanada 50-den astam adamǵa jasandy júrek salyndy
ASTANA. 8 sáýir. QazAqparat - Astanada 2011 jyldyń qarashasynda jasandy júrek salý boıynsha birinshi ota jasaldy.
Sol arqyly Ulttyq ǵylymı kardıohırýrgııalyq ortalyq álemniń eń bedeldi jıyrma klınıkasynyń qataryna endi. Bul týraly astana.kz saıtyna «UǴKO» AQ-dan málim etti.
Saıttyń jazýynsha, keıingi 1,5 jylda Ulttyq ǵylymı kardıohırýrgııalyq ortalyq bazasynda 50-den astam osyndaı ota jasaldy. Ol sozylmaly júrek talmasyna shaldyqqan naýqastardyń osy dertten jazylý úmitin oıatty.
«Ota jasalǵan adamdardyń barlyǵy da eńbek jasyndaǵy jandar. Múgedektigine qaramastan olar búginde burynǵy belsendi eńbek etý múmkindikterine qaıtadan oralýda. Jasandy júrek qoıylǵannan keıin kóptegen naýqastar bolashaq ómirlerine senimmen qarap, otbasyn qurady, bıznesterin damytady. Olardyń 70 paıyzy 40 jas shamasyndaǵy er adamdar», - dep habarlady Kardıoortalyqtan.
Astana qalalyq Densaýlyq saqtaý basqarmasynyń málimeti boıynsha, 2011 jylmen salystyrǵanda elordada qan aınalymy júıesiniń zaqymdanýymen aýyratyndar sany 5,1 paıyzǵa azaıǵandyǵy baıqalǵan. Sonymen qatar, osy naýqastan kóz jumatyndar sany da 22,6 paıyzǵa tómendedi.
