Astanada 5 jyl ishinde myńnan asa jer telimi paıdalanylmaı kelgen
ASTANA. QazAqparat - 2012 jyldyń 11 sáýirinen beri Astana qalasynyń ákimdigi prokýratýra organdarymen birlesip qurylys salýǵa berilgen jerlerdiń ıgerilý protsessterin baqylaıdy, dep habarlaıdy elorda ákimdiginiń baspasóz qyzmeti.
Barlyq kezeńde qala aýmaǵynda jalpy kólemi 16,0 gektar bolatyn 1084 paıdalanylmaǵan jer telimi anyqtalǵan. Onyń 269-y memleketke qaıtarylǵan. 77 gektardy quraıtyn 33 ýchaske 2016 jyly tapsyrylǵan («Parıtet 2003» JShS, «Astana Beton-Stroı LTD» JShS, jeke tulǵalar Omarov J.A., Mýrzabekova Z jáne t.b.) jáne aýmaǵy 4,3 ga 2 telim 2017 jyly ótkizilgen. ( «DınamoAvtoTsentr» JShS, «Mechta» JShS);
473 ýchaskede ıeleri men jer paıdalanýshylar jerdi ıgerýge kiristi. 2016 jyly qalǵan 342 jer teliminiń ıelerine paıdalanylmaıtyn jerlerdi alýdy qamtamasyz etý Jol kartasyna sáıkes, 1 jyl ishinde jerdi maqsatty paıdalaný týraly eskertý berildi. Bul merzim ishinde ıeleri jerdi iske jaratpasa, sot májbúrli túrde jerdi qaıtaryp alý týraly sheshim shyǵarady.
Qazirgi tańda qorytyndy zertteý júrgizilip aýmaǵy 65,4 gektar 18 jer telimine qatysty talap qoıyldy.
