Astanada 5 jasar qyzdy zorlaý faktisi tergelip jatyr

ASTANA. QazAqparat – Astana qalalyq Polıtsııa departamenti elordada bes jasar qyzdy zorlaý faktisi tirkelgenin rastady, dep habarlaıdy QazAqparat tilshisi.

«NeMolchı» qorynyń jetekshisi Dına Tańsáriniń málimetinshe, bul oqıǵa naýryzdyń 7-inen 8-ine qarǵan túni bolǵan. Osy kúni qyzdyń anasy jumysqa ketip, ol áıeldiń azamattyq nekedegi kúıeýimen úıde qalǵan. Keıin páterge qyzdyń ógeı ákesiniń tanysy kelip, olar ishimdik ishken. Artynsha ol azamat 5 jasar qyzdy ońasha alyp ketip, zorlaǵan.

«Bul fakti boıynsha 8 naýryzda «Esil» aýdanynyń polıtsııa basqarmasy QR Qylmystyq kodeksiniń 124-baby 1-bóligimen sotqa deıingi tergep-tekserýdi tirkedi. Saraptama taǵaıyndaldy, onyń nátıjesimen protsessýaldy sheshim qabyldanady», - dep málim etti vedomstvodan.

Sonymen birge quzyrly organnan QR Qylmystyq-protsestik kodeksiniń 201-baby negizinde tergep-tekserý materıaldary jarııa etilmeıtinin atap ótti.