Astanada 5 myńnan astam bos jumys orny bar
ASTANA. QazAqparat - Astanadaǵy Jumyspen qamtý ortalyǵynda 5 jarym myńǵa jýyq bos jumys orny bar, dep habarlaıdy QazAqparat Elorda Infoǵa silteme jasap.
Astana qalasyndaǵy Jumyspen qamtý ortalyǵy Beıbitshilik kóshesiniń boıyndaǵy «Órken» iskerlik ortalyǵynda ornalasqan. Ortalyqqa 57-88-88 telefon nómiri boıynsha habarlasyp, suraqtarǵa jaýap alýǵa bolady.
Jumys izdeýshi azamat retinde tirkelý úshin ortalyqqa jeke kýálik, eńbek kitapshasy jáne bilimińiz týraly qujatty aparý kerek. Ortalyq mamandary derekter bazasyna súıene otyryp, sizge bos jumys oryndaryn usynady.
Jumys usynýshy uıymnyń ataýy, kásibı baǵdary, jalaqy mólsheri, jumys rejımi - bul suraqtarǵa menedjermen áńgimelesý barysynda-aq jaýap ala alasyz.
Jumys izdeýshi azamat óziniń baılanys nómirlerin qaldyrýy kerek, eger oǵan laıyq vakansııa tabylǵan jaǵdaıda, ortalyq mamandary dereý habarlasady.
2019 jyldyń basynan beri 500-den astam elordalyq turǵyn Jumyspen qamtý ortalyǵynyń kómegimen jumysqa turǵan. Shamamen 200-deı jas maman jastar praktıkasyna jiberilip, 20 azamat áleýmettik jumys oryndaryna ornalasty.
Ortalyqtyń málimetinshe, qazirgi tańda Astana qalasy boıynsha 5 466 bos jumys orny bar. Onyń 2 854-i - 100 myń teńgege deıin, 2 172-si - 100 myń teńge men 150 myń teńge aralyǵynda, al 440-y 150 myń teńgeden joǵary jalaqy usynady.
