Astanada 5 myń adam jumyssyz júr
ASTANA. 31 qazan. QazAqparat - 1 qazandaǵy jaǵdaı boıynsha Astana qalasynyń quzyrly organdarynda jumyssyz retinde tirkeýde turǵandardyń sany 5 106 adamdy qurady.
Bul týraly Ekonomıka jáne bıýdjettik josparlaý basqarmasynan málim etti.
Astana qalasy ákimdiginiń resmı saıtynda habarlanǵandaı, 2012 jyldyń basynan beri jumys izdep, 10 398 adam júgingen. Olardyń 6 638-i nemese 63,8 paıyzy - áıelder. 14-29 jas aralyǵyndaǵy jastardyń úlesi 61 paıyz nemese 6 343 adam. 9 aıdyń ishinde 3 624 adam eńbekke ornalastyryldy.
Eńbek naryǵynda jumyssyz azamattarǵa qoldaý bildirý jáne beıimdeý maqsatynda Astana qalasynyń Eńbekpen qamtý jáne áleýmettik baǵdarlamalar basqarmasy belsendi is-sharalar qabyldaýda. Kásiptik bilim berýdi uıymdastyrý aıasynda bilim berý uıymdarymen ekijaqty kelisimderge qol qoıyldy. 2012 jyldyń basynan beri kásibı daıarlyqtan, qaıta daıarlyqtan ótýge jáne biliktilikti arttyrýǵa 636 adam joldanyp, 39-y eńbekke ornalastyryldy.
Sondaı-aq 133 jumys berýshimen aqyly qoǵamdyq jumystardy uıymdastyrýǵa kelisimsharttar jasaldy. Jyl bastalǵaly qoǵamdyq jumystarǵa 2 572 adam joldandy.
Aǵymdaǵy jyldyń 1 qazanyndaǵy jaǵdaı boıynsha, eńbekpen qamtý organdarynyń bazasynda 1 335 bos jumys orny bar.
