Astanada 5 metr bıiktikten qulaǵan tsırk ártisiniń qazirgi jaǵdaıy belgili boldy
ASTANA. KAZINFORM – Elorda tsırkinde óner kórsetý kezinde ártis bıikten qulap, jaraqat aldy. Naýqastyń qazirgi jaǵdaıy týraly qalalyq Densaýlyq saqtaý basqarmasy habarlady.
Jedel járdem brıgadasy oqıǵa ornyna dereý jetti, qazir naýqas aýrýhanada em alyp jatyr.
– Patsıentke bas jaraqaty men mı shaıqalýy dıagnozy qoıyldy. Jalpy jaǵdaıy – ortasha aýyr, turaqty, – dep habar aldyq qalalyq Densaýlyq saqtaý basqarmasynan.
Aıta ketsek, keshe belgili bolǵandaı, Sharm-esh-Sheıh áýejaıynda Astanaǵa deıin baratyn DV5270 reısine otyrar kezde úsh qazaqstandyq áıelge jarnama taqtasy qulady. Oqıǵanyń saldarynan qazaqstandyq áıel mert boldy, taǵy eki otandasymyz jaraqat aldy.
Qaza tapqan áıeldiń uly da jatyn orynmen qamtamasyz etildi. Qazaqstan Elshiligimen barlyq qajetti konsýldyq, quqyqtyq jáne gýmanıtarlyq kómekter kórsetý boıynsha jumys júrgizilip jatyr.
Sharm-esh-Sheıh áýejaıynda kóz jumǵan áıel quqyq qorǵaý salasynda jumys istegen.