Astanada 5 mektepke japsarlas ǵımarat salynyp, 2 balabaqsha paıdalanýǵa beriledi
ASTANA. QazAqparat - Bıyl elordada 5 mektepke japsarlas ǵımarat salynyp, 2 balabaqsha paıdalanýǵa beriledi. Bul týraly agenttik tilshisiniń resmı saýalyna oraı Astana qalalyq sáýlet jáne qala qurylysy basqarmasynan málim etti, dep habarlaıdy QazAqparat.
Basqarma aqparatyna sáıkes, aǵymdaǵy jyly erterekte paıdalanýǵa berilgen 5 mektepke, atap aıtqanda, Qabanbaı batyr daǵyly boıyndaǵy №17 mektep-gımnazııaǵa, J.Jırentaev kóshesi boıyndaǵy №22 mektep-gımnazııaǵa, Abylaı han dańǵyly boıyndaǵy №32 mektep-gımnazııaǵa, Kúıshi Dına kóshesi boıyndaǵy №37 orta mektepke jáne Kenesary kóshesi boıyndaǵy №16 orta mektepke japsarlas ǵımarattar salynady.
Munan bólek, bıyl 2 balabaqsha salynady. Naqty aıtqanda, Saraıshyq kóshesinen ońtústikke qaraı Jumabaev kóshesinen batysqa qaraı jylý jelisi bar 240 oryndyq balabaqsha jáne Imanov kóshesi, Makarenko, Radışes tuıyq kósheleri qıylysy aýdanynda da 240 oryndyq balabaqsha boı kóteredi.
